ԵՍ-Ը ՍՊԱՆՈՒՄ Է ԶՈՐՈՒԹՅՈՒՆԸ

Երբ դուք ապրում եք Իմ մեջ եւ ցանկանում կատարել Իմ Կամքը եւ Իմ Գործը, այդ ժամանակ Իմ Հոգին ձեր կյանքի միջով անցնում է ուրիշներին:

Ոմանց թվում է, թե համեստություն են անում` ասելով, որ իրենք շատ քիչ բան են անում եւ Ինձ համար առանձնապես ոչ մի արժեք չեն ներկայացնում: Ի՞նչ պատասխան տալ առվակին, եթե նա ասի. «Ես այնքան քիչ բան եմ անում, երանի թե ես կարողանայի ավելի օգտակար լինել»: Այստեղ պատասխանը մեկն է` «Այդ դու չէ, այլ քո միջով անցնող ջուրն է, որ օրհնում եւ փրկում է քո արածը պետք է լինի, որ թույլ չտաս, որպեսզի որեւէ մի բան խցանի, փակի ճամփան քո միջով անցնող ջրի»: Միակ խոչընդոտը, որ կարող է արգելելով խցանել առվակը, քո Ես-ն է: Երբ կարողանաս քեզնից հեռու նետել այն, այդ ժամանակ կարող ես վստահ լինել, որ Իմ Հոգին անարգել կհոսի քո միջով:

Այդ ժամանակ է, որ բոլոր ձեզ հետ շփվողները օրըստօրե ավելի պարզորոշ կզգան, որ դուք Իմ Զորությունը փոխանցող առուներ եք: Երբ ըմբռնեք այս պարզ ճշմարտությունը, այնժամ դյուրին կլինի ընդունել, որ ձեզ հետ շփում ունեցողները օգտվում են ոչ թե ձեզնից, այլ Իմ Հոգուց, որ ձեր միջով հոսում է` առուների միջով հոսող ջրի պես: