ՓՈՔՐԻԿ ՍՐՏԱՑԱՎԵՐ

Ներդաշնակության պակասը, որ կա քո կյանքի ու գործերի մեջ, մեծ ծանրաբեռնվածության արդյունք չէ, այլ քո թույլ տալն է, որ փոքրիկ սրտացավերը, հոգսերն ու բեռները կուտակվեն քեզ վրա:

Եթե մի որեւէ բան նեղություն է տալիս քեզ, նախ ինձ հետ ձեռնարկիր եւ ուղղիր այն, նախքան որեւէ մեկի հետ հանդիպելն ու խորհըրդակցելը: Կամ նախքան մի որեւէ նոր պարտականություն ստանձնելը:

Դու քեզ համարիր իբրեւ մեկը, որ կատարելով Իմ հանձնարարությունները անմիջապես վերադառնում է` ասելու համար, որ պատգամը հաղորդված է եւ գործը կատարված:

Այնուհետեւ կարող ես պատասխանատվության զգացում բնավ չունենալ, որովհետեւ քո միակ պատասխանատվությունն այն է, որ կատարած լինես հանձնարարված պարտականությունը, ապա դառնաս ու դարձյալ նոր գործ ձեռնարկես` ուրախանալով, որ ահա կատարվելիք գործեր ունես անելու Իմ Սիրո համար: