ՊԱՏԱՍԽԱՆԱՏՎՈՒԹՅՈՒՆ

Ես ձեր կողքին եմ: Անչափ մարդկային Հիսուս, որ հասկանում է ձեր բոլոր տկարությունները, տեսնում ձեր մաքառումներն ու հաղթանակները:

Հիշեք, որ Ես տկարների ընկերակիցն ու բարեկամն էի, պատրաստ` կարեկցելու եւ հագեցնելու նրանց անոթությունը: Ես Իմ հետեւորդներին սովորեցնում էի բոլոր մարդկանց հանդեպ պատասխանատվություն ունենալ. պատասխանատվություն ոչ միայն մերձավորների ու սիրելիների, այլ նաեւ այլոց հանդեպ:

«Տեր, արձակիր սրանց, որպեսզի մոտակա գյուղերը գնան եւ իրենց համար ուտելիք գնեն», ասացին Իմ աշակերտները` առանց խըղճալու հոգնած ու սպառված մարդկանց, որոնց մեջ բազմաթիվ կանայք ու երեխաներ կային: Բայց Ես սովորեցրեցի նրանց, որ Աստվածային Գթությունը ամենից առաջ մեծ պատասխանատվություն է: «Դուք նրանց ուտելիք տվեք» - եղավ Իմ պատասխանը: Ես սովորեցրի, որ միայն կարեկցանքը` առանց իրական ցավը բժշկելու, անարժեք է:

«Դուք նրանց ուտելիք տվեք»: Ուր որ գտնվում է ձեր կարեկցանքը, այնտեղ պետք է լինեք նաեւ դուք, եթե այդ հնարավոր է: Իմ այս պատգամը հիշեք նաեւ այն ժամանակ, երբ մտածում եք ձեր անձնական կյանքը բարելավելու մասին: Այդ նշանակում է նույն վերաբերմունքը Ինձնից պահանջել:

Ծառան մեծ չէ իր տիրոջից, մանավանդ հոգեւոր առումով. եւ ինչ որ Ես սովորեցրի Իմ աշակերտներին, նույնը Ես էի անում:

Եթե դուք էլ ձեր կյանքի ծովեզերքին նվաղեք պակասությունից ու կարիքից, իմացեք, որ Ես կհոգամ ձեր կարիքները առատորեն ու լիառատ, առանց տրտնջալու ու խնայելու: